27 сакавіка 2015 г. на філалагічным факультэце Беларускага дзяржаўнага ўніверсітэта адбудзецца III Рэспубліканская навукова-практычная канферэнцыя маладых навукоўцаў “Мова і літаратура ў ХХІ стагоддзі: актуальныя аспекты даследавання”.
Кірункі канферэнцыі:
1. Тэарэтычная і функцыянальная граматыка.
2. Пытанні сучаснай лексікалогіі і фразеалогіі.
3. Моўная карціна свету, cацыяльная лінгвістыка і лінгвакультуралогія.
4. Гісторыя моў і гісторыя мовазнаўства.
5. Узаемадзеянне моў і праблемы перакладу.
6. Мова і стыль мастацкай літаратуры.
7. Тэорыя літаратуры.
8. Гісторыя літаратуры.
9. Сучасны літаратурны працэс.
10. Методыка выкладання мовы і літаратуры.
Да ўдзелу запрашаюцца студэнты, магістранты, аспіранты, маладыя вучоныя.
Дэдлайн для заяў, анатацый і тэкстаў дакладаў: 28 лютага 2015 года.
Дасылаць іх на адрас movalit2015 [at] gmail.com.
Аргкамітэт пакідае за сабой права адбору матэрыялаў для публікацыі.
Арганізацыйны ўнёсак – 100.000 беларускіх рублёў, здаецца разам з друкаваным варыянтам даклада падчас рэгістрацыі. Матэрыялы дакладаў студэнтаў павінны быць падпісаны навуковым кіраўніком.
Мікіта Супрунчук
Лінгвіст, сербіст, працуе ў Мінскім дзяржаўным лінгвістычным універсітэце (кафедра агульнага мовазнаўства). Навуковыя інтарэсы: сербістыка, граматыка, лексікаграфія, камп'ютарная лінгвістыка, методыка выкладання замежнай мовы.