Ілюстраваны слоўнік «Наш дом» (бел.↔англ.): падтрымайма выданне

Серада, 11 лістапада 2015 г. Аляксей Яскевіч
Раздзел: Навіны
Пазнакі:
Праглядаў: 1112

Сёння на платформе сацыяльных праектаў Talaka.by стартавала кампанія па зборы сродкаў для выдання беларуска-англійскага слоўніка ў малюнках “Наш дом / Our Home”. Гэтая кніга можа стаць першым у Беларусі падрабязным двухмоўным тэматычным слоўнікам у малюнках.

З дапамогай карцінак каманда аўтараў “намалюе” для чытачоў па-беларуску і па-англійску каля 1000 “хатніх” словаў і выразаў: назваў пакояў, відаў мэблі, гаспадарчых прылад, прадметаў гігіены і іншых рэчаў паўсядзённага ўжытку, хатняга побыту і г. д.

Ад сябе дадам: нават аднамоўны такі слоўнік - гэта ўжо была б вялікая справа, а тут нават дзве мовы. Такая кніга - і падручнік, і добры падарунак, і проста рэч, якую прыемна патрымаць у руках – паразглядаць.

Думайце - неўзабаве ўжо Новы год :) Як бы не пашкадаваць 31 снежня, што ў лістападзе былі пасквапіліся і збераглі грошы ;)

Спадабаўся допіс? Атрымлівайце абвяшчэнні пра новы матэрыял праз RSS Philology.BYRSS або RSS Philology.BYEmail!
Нравится