Інстытут мовы і літаратуры Нацыянальнай акадэміі навук Беларусі запрашае выступоўцаў на канферэнцыю «Беларуская мова ў ХХІ стагоддзі: асноўныя тэндэнцыі развіцця (да 80-годдзя акадэміка А. І. Падлужнага)», якая адбудзецца 28–29 кастрычніка 2015 г.

Праблемнае поле канферэнцыі:

— сучасны стан мовы і дынаміка літаратурнай нормы;

— літаратурная норма і узус;

— фанетыка і фаналогія беларускай мовы;

— лексікалогія і лексікаграфія беларускай мовы;

— змены ў граматычным ладзе беларускай мовы;

— актуальныя праблемы беларуска-рускага двухмоўя;

— гісторыя беларускага мовазнаўства;

— нацыянальная мова ў полікультурнай прасторы;

— агульныя тэндэнцыі развіцця сучасных славянскіх моў;

— асаблівасці ўзаемадзеяння славянскіх дыялектаў і літаратурных моў.

Даклады могуць чытацца на любых славянскіх мовах.

Заяўку на ўдзел у канферэнцыі і электронны тэкст даклада (да 7 старонак) неабходна выслаць на адрас [email protected] да 20 верасня 2015 г. Публікацыя зборніка матэрыялаў плануецца да пачатку канферэнцыі.

У заяўках указваюцца прозвішча, імя, імя па бацьку, назва даклада, месца працы, вучоная ступень і званне, пасада, адрас, e-mail і тэлефон, неабходнасць у браніраванні гасцініцы.

Патрабаванні да афармлення матэрыялаў

Шрыфт Times New Roman 14, інтэрвал адзінарны, палі звычайныя (верхняе і ніжняе – 20 мм, левае – 30 мм, правае – 15 мм). Першы радок справа – ініцыялы і прозвішча аўтара, горад, краіна (паўтлустым шрыфтам). Праз радок – назва паведамлення (паўтлусты шрыфт, вялікія літары). Праз радок друкуецца тэкст матэрыялу са стандартнымі адступленнямі. Спасылкі афармляюцца ў тэксце ў квадратных дужках (напрыклад, [1, с. 9]). Спіс выкарыстаных крыніц, аформлены згодна з патрабаваннямі ВАК Беларусі, падаецца пасля асноўнага тэксту па алфавіце.

Аляксей Яскевіч

Рэдактар і тэхнічны адміністратар Philology.BY. Спецыялізуецца на лічбавых метадах у гуманітарных навуках (digital humanities). Цікавіцца лексікаграфіяй, сацыялінгвістыкай і марфалогіяй. Акрамя мовазнаўства, займаецца аналізам і візуалізацыяй дадзеных (Dataviz.BY) ды стварэннем вэб-праектаў.

Дадаць каментар