Сектар усходазнаўства Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры Нацыянальнай акадэміі навук Беларусі пачынае публікацыю помнікаў беларуска-татарскага пісьменства, алічбаваных у часе навуковых экспедыцый 2010 і наступных гадоў па тэрыторыі Беларусі і не апісаных у каталогах 2011, 2015 і 2020 гадоў выдання:
- Рукапісы татараў Беларусі канца XVII — пачатку XX стагоддзя з дзяржаўных кнігазбораў краіны. Каталог. Укладальнікі: М. У. Тарэлка, А. І. Цітавец. — Мінск: Беларуская навука, 2011.
- Рукапісы татараў Беларусі XVIII — пачатку XXI стагоддзя з дзяржаўных і грамадскіх кнігазбораў краіны. Каталог. Укладальнік М. У. Тарэлка. — Мінск: Беларуская навука, 2015.
- Тафсіры, кітабы і хамаілы з прыватных кнігазбораў Беларусі. Каталог. Укладальнік М. У. Тарэлка. — Мінск: Беларуская навука, 2020.
Плануецца публікацыя здымкаў у фармаце PDF і суправаджальнага кадыкалагічнага і бібліяграфічнага апісання, дапоўненага тэматычным паказальнікам тэкстаў і спісам арыенталізмаў.
Алічбоўка праводзілася ў палявых умовах, часам у сціслыя тэрміны і пры недахопе тэхнічных сродкаў. У сувязі з гэтым прыносім свае прабачэнні за не заўсёды дасканалую якасць здымкаў і апісанні рукапісаў (напрыклад, за адсутнасць пазначэння памераў аркушаў і г. д.).
Знакі транслітарацыі літар арабскага алфавіта і дыякрытычных знакаў для галосных.
СПІС АРАБСКАГРАФІЧНЫХ ПОМНІКАЎ БЕЛАРУСКА-ТАТАРСКАГА ПІСЬМЕНСТВА:
- Хамаіл, пачатак ХХ ст. (сфатаграфаваны ў 2011 годзе ў горадзе Узда).
- Тафсір
- Кітаб
Вадзім Шклярык
Кандыдат філалагічных навук, былы супрацоўнік Інстытута мовазнаўства імя Якуба Коласа НАН Беларусі. Навуковыя інтарэсы: лексікалогія і лексікаграфія, анамастыка, дыялекталогія.