У Мінску 20 і 21 мая пройдзе Пяты міжнародны кангрэс беларусістаў.
Гэта будзе вялікае і цікавае мерапрыемства, прыедзе шмат замежных спецыялістаў, падрыхтавана насычаная праграма. Адрозненне ад большасці канферэнцый — праца ў т. зв. тэматычных блоках, дзе прадстаўляюцца да 4 грунтоўных дакладаў блізкай тэматыкі, а потым зацікаўленыя абмяркоўваюць іх. Думаю, абыдзецца без паспеху і снатворнага чытання па паперы. Такіх блокаў запланавана каля 30.
Мікіта Супрунчук
Лінгвіст, сербіст, працуе ў Мінскім дзяржаўным лінгвістычным універсітэце (кафедра тэарэтычнай і прыкладной лінгвістыкі). Навуковыя інтарэсы: сербістыка, граматыка, лексікаграфія, камп'ютарная лінгвістыка, методыка выкладання замежнай мовы.