Ужо шостую вясну запар праходзіць Мінскі фестываль моў. Арганізатары называюць яго «святам моў і лінгвістыкі», і гэта сапраўды так.

1 красавіка (у нядзелю) вас чакаюць прэзентацыі больш за 50 моў (пра некаторыя з іх вы, напэўна, не ведаеце нічога, а пра некаторыя – самага цікавага), лекцыі па лінгвістыцы і беларусістыцы, моўныя гульні ды іншыя цікавыя рэчы – спіс тут. І канешне, выдатная атмасфера і бясконцае лінгвістычнае натхненне.

Усё гэта бясплатна, але з абавязковай рэгістрацыяй.

Падрабязны расклад з’явіцца на сайце і ў сацыяльных сетках (vk, fb) у пятніцу ўвечары ці ў суботу. Папярэджваю: пакуты выбару будуць.

З 10:00 Рэгістрацыя ў вестыбюлі філалагічнага факультэта (праграмкі і анкеты)
10:20–11:45 Адкрыццё Фестывалю (актавая зала)
12:00–12:45 1 блок прэзентацый
13:00–13:45 2 блок прэзентацый
14:00–14:45 3 блок прэзентацый
15:00–15:45 4 блок прэзентацый
16:00–16:45 5 блок прэзентацый
17:00–17:45 6 блок прэзентацый
18:00–19:00 Закрыццё Фестывалю (актавая зала)

Месца: філфак БДУ (К. Маркса, 31).

Вольга Гарыцкая

Кандыдат філалагічных навук, займаецца даследаваннямі і працуе ў Мінскім дзяржаўным лінгвістычным універсітэце (кафедра агульнага мовазнаўства). Навуковыя інтарэсы: сацыялінгвістыка, моўныя кантакты, граматыка, семантыка, прагматыка. Цікавіцца ўзаемадзеяннем лічбавых тэхналогій і гуманітарных навук, у т.л. корпуснай лінгвістыкай і візуалізацыяй дадзеных, а таксама праблемамі прэзентацыі навуковых рэзультатаў і камунікацыі навукоўцаў з шырокай аўдыторыяй.

Дадаць каментар