У 2018 годзе спаўняецца 100 гадоў з таго часу, як убачыла свет «Беларуская граматыка для школ» Б. Тарашкевіча. Яна ўпершыню надала беларускай мове неабходную ёй унармаванасць і стварыла грунт для далейшай паглыбленай граматычнай распрацоўкі мовы.

У сувязі з гэтай падзеяй 5 снежня 2018 года ў Віцебску адбудзецца рэгіянальная навукова-практычная канферэнцыя «Навукова-метадычная думка на Беларусі» .

Праблемнае поле канферэнцыі:

  • Навуковая і метадычная спадчына Б. Тарашкевіча.
  • Гісторыя станаўлення і развіцця метадычнай думкі на Беларусі.
  • Актуальныя праблемы лінгвадыдактыкі.
  • Аспекты моўных даследаванняў (лексікалогія, фразеалогія, словаўтварэнне,
  • граматыка, лексікаграфія, дыялекталогія і інш.).
  • Пытанні выкладання мовы і літаратуры ў школе і ВНУ.
  • Міжпрадметныя сувязі ў выкладанні беларускай мовы і літаратуры.
  • Слова ў мове, тэксце, навучанні.

Для ўдзелу ў канферэнцыі заяўку і матэрыялы даклада (да 5 старонак), аформленыя ў адпаведнасці з патрабаваннямі (узор), неабходна даслаць да 1 лістапада 2018 года на электронны адрас [email protected] з паметай «Навукова-практычная канферэнцыя».

Арганізацыйны ўзнос для ўдзелу ў канферэнцыі складае 20 беларускіх рублёў.

Выданне зборніка матэрыялаў плануецца да пачатку канферэнцыі.

Дадатковую інфармацыю можна атрымаць у інфармацыйным лісце.

Вольга Гарыцкая

Кандыдат філалагічных навук, займаецца даследаваннямі і працуе ў Мінскім дзяржаўным лінгвістычным універсітэце (кафедра агульнага мовазнаўства). Навуковыя інтарэсы: сацыялінгвістыка, моўныя кантакты, граматыка, семантыка, прагматыка. Цікавіцца ўзаемадзеяннем лічбавых тэхналогій і гуманітарных навук, у т.л. корпуснай лінгвістыкай і візуалізацыяй дадзеных, а таксама праблемамі прэзентацыі навуковых рэзультатаў і камунікацыі навукоўцаў з шырокай аўдыторыяй.

Дадаць каментар