Кафедра беларускага мовазнаўства і факультэт беларускай і рускай філалогіі Беларускага дзяржаўнага педагагічнага ўніверсітэта імя Максіма Танка запрашаюць прыняць удзел у навуковай канферэнцыі «Усходнеславянскія мовы ў сучаснай лексікаграфіі», якая будзе праводзіцца 11 снежня 2015 г.
Дэдлайн: 31 кастрычніка 2015 г.
Аргузнос: 150 тыс. беларускіх рублёў для грамадзян РБ, 25$ для замежных грамадзян (папярэдне).
ПРЫКЛАДНАЕ ПРАБЛЕМНАЕ ПОЛЕ:
1. Станаўленне ўсходнеславянскіх лексікаграфічных традыцый.
2. Нармаванне і стандартызацыя мовы.
3. Структурна-зместавыя асаблівасці ўсходнеславянскіх слоўнікаў.
4. Перспектывы ўсходнеславянскай лексікаграфіі.
5. Узаемадзеянне моўных сістэм ва ўмовах білінгвізму.
6. Сучасныя інфармацыйныя тэхналогіі і электронныя слоўнікі.
7. Інавацыйныя тэхналогіі навучання мовам.
Рабочыя мовы – усходнеславянскія.
Тэкст даклада і заяўку трэба даслаць да 31 кастрычніка 2015 г. у электронным выглядзе на адрас аргкамітэта або на e-mail. Арганізацыйны камітэт пакідае за сабой права адбору і рэдагавання матэрыялаў.
Выданне зборніка навуковых артыкулаў запланавана да пачатку канферэнцыі.
Папярэдні памер аргузносу – 150 тыс. беларускіх рублёў для грамадзян РБ, 25$ для замежных грамадзян. Рассылка зборніка за межы Беларусі магчымая толькі па асабістай дамоўленасці і за кошт удзельнікаў канферэнцыі.
Рэквізіты для аплаты аргузносу будуць указаны ў інфармацыйным паведамленні №2 пасля атрымання заяўкі і матэрыялаў.
ПАТРАБАВАННІ ДА АФАРМЛЕННЯ МАТЭРЫЯЛАЎ
Аб’ём – да 3 старонак камп’ютарнага набору ў Word for Windows; шрыфт – Times New Roman, кегль – 14; інтэрвал – 1,15; палі − 2,5 см.
Зверху справа ўказаць ініцыялы і прозвішча аўтара, горад і ўстанову адукацыі. Спасылкі ў тэксце – у квадратных дужках: [2, с. 31].
Ілюстрацыйны матэрыял выдзяляецца курсівам. Бібліяграфія падаецца ў адпаведнасці з прынятымі ў Беларусі стандартамі.
АДРАС АРГКАМІТЭТА:
220030, Беларусь, г. Мінск, вул. Савецкая, 18, БДПУ, факультэт беларускай і рускай філалогіі, кафедра беларускага мовазнаўства, аўд. 405, к. 2.
Тэлефоны: + 37517-327-80-44 (кафедра); + 37529-503-63-75 (загадчык кафедры Дзятко Дзмітрый Васільевіч).
Е-mail: [email protected].
Вадзім Шклярык
Кандыдат філалагічных навук, былы супрацоўнік Інстытута мовазнаўства імя Якуба Коласа НАН Беларусі. Навуковыя інтарэсы: лексікалогія і лексікаграфія, анамастыка, дыялекталогія.