У маі і чэрвені сайт Інстытута мовы і літаратуры імя Якуба Коласа і Янкі Купалы НАН Беларусі папоўніўся новымі дадзенымі. Так, цяпер тут можна знайсці падрабязную інфармацыю пра аддзелы ўстановы (былыя і цяперашнія супрацоўнікі, асноўныя працы), звесткі пра падрыхтаваныя ў інстытуце выданні апошніх гадоў, пра запланаваныя канферэнцыі. У адкрыты доступ выкладзены і тры апошнія выпускі часопіса «Беларуская лінгвістыка» (PDF), прычым колькасць змешчаных на сайце навуковых артыкулаў супрацоўнікаў будзе, хутчэй за ўсё, павялічвацца.
Часопіс «Беларуская лінгвістыка»: выпуск 65, выпуск 66, выпуск 67.
Вадзім Шклярык
Кандыдат філалагічных навук, супрацоўнік Інстытута славістыкі Польскай акадэміі навук. Навуковыя інтарэсы: лексікалогія і лексікаграфія, анамастыка, дыялекталогія.