15–16 лістапада 2018 года ў Мінскім дзяржаўным лінгвістычным універсітэце адбудзецца II Міжнародная навуковая канферэнцыя «Беларуская мова, літаратура, культура і свет: праблемы рэпрэзентацыі».
Працоўныя мовы: беларуская, руская, англійская.
У ходзе работы канферэнцыі будзе абмеркавана наступнае кола праблем:
- Культурныя мадэлі і спецыфіка нацыянальных моў і літаратур.
- Транснацыянальныя элементы беларускай мовы, літаратуры, культуры.
- Лінгвакультурнае ўзаемадзеянне і ўзаемаўплыў у полікультурным асяроддзі.
- Сучасныя тэндэнцыі ў методыцы выкладання беларускай мовы і літаратуры як замежнай. Лінгвакультурны аспект у выкладанні беларускай мовы як замежнай.
- Пераклад як сродак рэпрэзентацыі беларускай літаратуры ў свеце.
- Беларуская мова, літаратура, культура ў кантэксце сусветнага гуманітарнага працэсу.
- Беларускі пісьменнік і свет: шлях да сусветнага прызнання.
- Беларуская карціна свету: праблемы міжкультурнай камунікацыі.
- Кампаратыўнае вывучэнне моў, літаратур, культур.
- Праблемы стварэння сучаснага падручніка па беларускай мове, літаратуры, культуры.
Для ўдзелу ў канферэнцыі неабходна даслаць заяўку да 30.09.2018 г. на адрас: 220034, г. Мiнск, вул. Захарава, 21, кафедра беларускай мовы і літаратуры (А-206) або на электронны адрас: [email protected].
Па выніках канферэнцыі запланавана выданне зборніка навуковых артыкулаў. Удзельнікі канферэнцыі (аўтары) будуць мець магчымасць атрымаць зборнік матэрыялаў папярэдняй канферэнцыі.
Тэкст даклада неабходна падаць у электронным і раздрукаваным на паперы экзэмпляры ў аргкамітэт падчас рэгістрацыі ці даслаць на электронны адрас: [email protected].
Аргкамітэт пакідае за сабой права адбору выступленняў і матэрыялаў для публікацыі, а таксама іх рэдагавання.
Праезд і пражыванне ў Мінску за кошт удзельнікаў канферэнцыі.
Арганізацыйны ўзнос – 9 бел. руб.
Кантактны тэлефон: 017-294-71-14.
Патрабаванні да афармлення матэрыялаў
Аб’ём даклада — да 6 старонак (12 тыс. знакаў з прабеламі праз 1 інтэрвал) у рэдактары Word for Windows. Першы радок справа – ініцыялы і прозвішча аўтара, у дужках – назва горада. Наступны радок – назва матэрыялу (вялікімі літарамі). Праз радок друкуецца тэкст матэрыялу са стандартнымі адступленнямі. Спасылкі даюцца ў тэксце ў квадратных дужках. Першая лічба – нумар са спіса літаратуры, наступныя лічбы – старонкі. Напрыклад: [7, с. 132]. Спіс літаратуры (калі ён ёсць) даецца пасля асноўнага тэксту ў алфавітным парадку. Пасля тэксту даклада таксама падаюцца звесткі пра аўтара (прозвішча і ініцыялы поўнасцю, вучоная ступень, вучонае званне, месца працы, горад, краіна).
Выява ўзята з сайта Ulej.by.
Вадзім Шклярык
Кандыдат філалагічных навук, былы супрацоўнік Інстытута мовазнаўства імя Якуба Коласа НАН Беларусі. Навуковыя інтарэсы: лексікалогія і лексікаграфія, анамастыка, дыялекталогія.