Міжнародны кангрэс даследчыкаў Беларусі абвясціў вынікі конкурсу на лепшыя навуковыя публікацыі за 2017 год.

У шорт-лісце секцыі гуманітарных навук былі:

  • Алесь Бельскі. Беларуская літаратура ў кантэксце традыцый і сучаснасці. – Мінск: Выдавец Зміцер Колас, 2017. – 344 с.
  • Уладзімір Гніламедаў, Мікола Мікуліч. Літаратура. Гісторыя. Свядомасць : гісторыка-літаратурны нарыс. – Мінск: Беларуская навука, 2017. – 387 с.
  • Вадзім Шклярык. Мікратапанімія Усходняга Палесся ў кантэксце развіцця рэгіянальнай лексічнай сістэмы. – Мінск: Беларуская навука, 2017. – 196 с.
  • Іван Штэйнер. Смехъ зъ болѣстію смешанъ будеть: смехавыя традыцыі Рэнесансу ў сатырычнай літаратуры ХХ стагоддзя. – Гомель: ГДУ імя Ф. Скарыны, 2017. – 129 с.

Як вы думаеце, хто перамог?

У сваім фэйсбуку Андрэй Казакевіч, старшыня аргкамітэта Кангрэса, адзначыў:

У конкурсе на лепшую манаграфію ў спаборніцтве з акадэмікамі і дактарамі перамагла кніга Vadzim Shkliaryk. Пры гэтым са значным і пераканаўчым адрывам (64 балы, іншы бліжэйшы бал 45). Прыемна, што статусы акадэмічнай іерархіі не сталі перашкодаю прафесійнага прызнання.

Гэта не першая ўзнагарода Вадзіма Шклярыка. У мінулым годзе кнігу прызналі «лепшай навуковай работай маладых вучоных» на конкурсе НАН РБ, прысвечаным Году навукі.

Пра даследаванне «Мікратапанімія Усходняга Палесся ў кантэксце развіцця рэгіянальнай лексічнай сістэмы» мы пісалі тут. На нашым сайце ёсць і рэцэнзія на кнігу.

Віншуем Вадзіма і жадаем яму новых вялікіх дасягненняў!

Вольга Гарыцкая

Кандыдат філалагічных навук, займаецца даследаваннямі і працуе ў Мінскім дзяржаўным лінгвістычным універсітэце (кафедра агульнага мовазнаўства). Навуковыя інтарэсы: сацыялінгвістыка, моўныя кантакты, граматыка, семантыка, прагматыка. Цікавіцца ўзаемадзеяннем лічбавых тэхналогій і гуманітарных навук, у т.л. корпуснай лінгвістыкай і візуалізацыяй дадзеных, а таксама праблемамі прэзентацыі навуковых рэзультатаў і камунікацыі навукоўцаў з шырокай аўдыторыяй.

Дадаць каментар